10 января 2016 г.
Паха вăрлăх аксан кĕркунне пÿлмесем те тулли пулĕç. Планпа килĕшÿллĕн кăçал хура çĕре шуратма ял хуçалăх организацийĕсене 2889 тонна тырă кирлĕ. Раççей ял хуçалăх центрĕн Вăрнар районĕнчи филиалĕн пуçлăхĕ Анатолий Мураткин пĕлтернĕ тăрăх, кăрлач уйăхĕн 15-мĕшĕ тĕлне тĕрĕсленĕ вăрлăхăн 54 проценчĕ кондицие ларнă.
«Кольцовка» агрофирмăра çур акине хатĕрленме тытăнман, тырă алламан. Вăрнарти аш-какай комбинатĕнчи, «Луч» кооперативри вăрлăхăн пĕр пайĕ çеç кондицие тивĕçнĕ. Фермерсен те – Кивĕ Мĕлĕшри Николай Герасимовăн, Енĕшри Михаил Максимовăн, Хурăн Кăкшăмри Вера Дмитриеван, Вăрманкасри Александр Козловăн, Отиккăвăри Алексей Фадеевăн – вăрлăха ака стандартне тивĕçтерессипе хытах тăрăшмалла-ха.