13 января 2016 г.
Эрнекун Шупашкарта ирĕклĕ майпа кĕрешессипе тĕнче класлă СССР спорт мастерĕн, Европа чемпионачĕн кĕмĕл призерĕн Иван Григорьевăн парнисемшĕн иртнĕ турнирта республикăри чи ăста тренерсене те чысланă.
Районти «Рассвет» ача-пăча спорт шкулĕн тренер-преподавателĕ Юрий Григорьевич Львов «Ял ачисен чи лайăх тренерĕ», Виталий Петрович Трофимов «Хĕрарăмсен чи лайăх тренерĕ» ятсене тивĕçнĕ.
Тĕрлĕ шайри чылай турнир çĕнтерÿçи Дмитрий Львов вара «Куракансен килĕшĕвĕ» приза çĕнсе илнĕ. Çавăн пекех вăл кавир çине тухнă 100 ытла спортсменран хăйĕн виçе категорийĕнче чемпион пулса тăнă. Унăн пиччĕшĕ те, Никита, çĕнтерÿ пьедесталĕн пĕрремĕш пусми çине хăпарма тивĕçнĕ.
Вăрнарăн тепĕр каччи Денис Федоров тата Пăртасри Семен Семенов бронза медальсене çĕнсе илнĕ. Арçын ачасем пурте – Юрий Львовăн воспитанникĕсем.