13 января 2016 г.
Сывă пурнăç йĕркин тусĕсем Çĕнĕ çул каникулне кăçал та тĕрлĕ ăмăртусенче ирттерчĕç.
Волейболра январĕн 2-мĕшĕнче район администрацийĕн, ял поселенийĕсен пуçлăхĕсен, ял хуçалăх предприятийĕсен ертÿçисен тата Вăрнарти хутăш препаратсен завочĕн ĕçченĕсен командисем; 7–10-мĕшĕсенче çамрăксемпе аслисен командисем («Чĕнÿ кубокĕ»); (Николай Храмова асăнса ирттернĕ турнир) тупăшрĕç.
4 тата 9-мĕшĕсенче спорт комплексĕ мини-футбол тусĕсемпе тулнă. Юлашки Андрей Романов ячĕпе иртнĕ.
Федор Соколов ячĕллĕ турнир кăçал та сĕтел çи теннис тусĕсене чылай пуçтарнă. 40 çынран чи маттурри – Владислав Григорьев.
Йĕлтĕрçĕсем вара республика шайĕнче тупăшнă. Чăваш ен Пуçлăхĕн парнисемшĕн ветерансем хушшинче иртнĕ чупура Эльвира Чугуновапа Владимир Тикинев хăйсен дистанцийĕнче чи хăвăрттисем пулнă. Галина Павлова иккĕмĕш вырăн йышăннă.
Михаил Игнатьевăн парнисемшĕн спорт çемйисем хушшинче иртнĕ йĕлтĕр эстафетине Мăньял Хапăсри Тикиневсемпе Шăхальти Петровсем хутшăннă.
Надеждăпа Юрий тата вĕсен Валентина, Галина, Александр ачисем иккĕмĕш вырăн йышăннă.
Иринăпа Сергей Петровсем Святогор ывăлĕпе тăваттăмĕш результат кăтартнă.
С.ЧИКМЯКОВА.