26 декабря 2015 г.
Вулакансем Аçăмçырминчи çăмăл атлеткăна Татьяна Ефимована аван пĕлеççĕ. Шкул вăхăтĕнче те, хыççăн та вăл тĕрлĕ ăмăртусен дистанцийĕсене çине-çинех çĕнме пултарчĕ.
Пысăкрах çитĕнÿсене Шупашкарти Олимп резервисен училищинче вĕреннĕ вăхăтра турĕ. Çăмăл атлетика енĕпе çамрăксен Раççей первенствин 2013, 2014 çулсенчи ылтăн призерĕ, Атăл тăрăхĕнчи округĕн первенствин чемпионĕ, Раççей çамрăкĕсен III Спартакиадин çĕнтерÿçи тата ытти те.
Хулара пурăнать пулин те Таня пысăк ăмăртусенче районшăн та пĕрре мар чупусене тухнă. «Советская Чувашия» хаçат эстафетинче района пĕрре мар Кубок кÿнĕ.
Чăннипех пултаруллă. Çак çитĕнÿсемех ĕнтĕ ăна «Раççей спорт мастерĕ» ята илме пулăшрĕç. Раççей спорт министрĕ Виталий Мутко анчахрах алă пуснă Указра Чăваш енрен хисеплĕ ята тивĕçнĕ сакăр спортсмен шутĕнче вăл та пур.
С.ЧИКМЯКОВА.