23 декабря 2015 г.
Кăçалхи çул Раççейре Литература, Чăваш енре К.В.Иванов çулталăкĕ ячĕпе иртрĕ. Çавăн пекех кăçал Аслă Çĕнтерĕвĕн 70 çулхи юбилейне паллă турăмăр.
Хурăнсур Çармăсра çуралса ÿснĕ, Раççей Писательсен союзĕн членĕн Владимир Кузьминăн «Çĕнтерÿ ташши» кĕнеки çак пулăмсемпе çыхăнса çурални пĕлтерĕшлĕ. Кĕнекене ун тăван енче – Çĕрпелте презентацилени те.
Мероприятие Çĕрпел шкулĕнче вĕренекенсем Камилла Сергеевапа Татьяна Кириллова вăрçă юррисемпе уçнă. Клуб ĕçченĕсен тăрăшулăхĕпе «Çĕнтерÿ ташши» калавăн геройĕсем «чĕрĕлсе» тăнă. «Янгурчей» фольклор ушкăнĕ, ача садне çÿрекенсем илемлĕ номерсем парнеленĕ.
Пухăннисене Çĕрпел ял поселенийĕн пуçлăхĕ Инна Шашкова, Леонид Федоров тата Василий Мефодьев ветерансем саламланă.
Кĕнекене хамăр ентешсем – Тăван çĕршывăн Аслă вăрçин участникĕсем, тыл ĕçченĕсем, вăрçă ачисем, патриотизм, Тăван çĕршыва юратни çинчен калакан калавсемпе повĕçсем кĕнĕ.