23 декабря 2015 г.
«Аслă Çĕнтерÿ паттăрĕсем – 2016» ятпа Раççейре иккĕмĕш хут литература конкурсĕ иртет. Ăна чи лайăх калав, очерк, сăвă, эпикăллă, историллĕ, çарпа патриотизм туйăмĕллĕ юрă тупса палăртас, Тăван çĕршывăн Аслă вăрçин салтакĕн паттăрлăхне ĕмĕрлĕх асра хăварас, çĕршыв чиккине хÿтĕленĕ Раççей çар çыннисене тата çар ĕçĕсенче мухтава тивĕçнисене хисеп тăвас тĕллевпе йĕркеленĕ.
Конкурс пилĕк тапхăрпа иртет.
2016 çулхи февралĕн 10-мĕшĕччен суйлав тапхăрĕ. Çурма финалистсене март уйăхĕн 10-мĕшĕччен, финалистсене апрель уйăхĕн 10-мĕшĕччен, çĕнтерÿçĕсене май уйăхĕн 1-мĕшĕччен палăртĕç.
Авторсенчен чăн пурнăçран илнĕ паттăрăн сăнарне уçса паракан ĕçсене йышăнаççĕ. Хайлавсене 2014 – 2016 çулсенче пичетре усă курнисене те, халиччен пичетленменнисене те конкурса тăратма юрать. Ĕçе вырăсла çырмалла, gvp2016@mail.ru электронлă адреспа ярса памалла. Конкурс условийĕсем тĕплĕнрех – www.героивеликойпобеды.рф. сайтра.