16 декабря 2015 г.
«Урожай» спорт обществин парнисемшĕн иртекен волейбол турнирĕнче Вăрнар каччисем темиçе хут та çĕнтерÿçĕ Кубокне тивĕçнĕччĕ. Шел те, кăçал вĕсене ытлашши ăнăçмарĕ. Хальхинче Шупашкар тата Пăрачкав районĕсен командисем вĕсенчен вăйлăрах пулчĕç.
Анчах та ку сезонри вăййа хĕрсем тăрăшуллăрах хатĕрленни сисĕнчĕ. Эппин, районăн чăн-чăн çирĕп команда йĕркеленчĕ: Настя Кириллова, Таня Федорова, Галя Павлова, Марина Паймулкина, Маша Мефодьева, Настя Андреева, Аксения Иванова, Катя Лукина, Анжелика Андреева.
Вăрнар тата Çĕрпел хĕрĕсем шăматкун пĕтĕм республикăна тĕлĕнтернĕ – хĕрÿ вăйăсенче çĕнтерÿçĕ Кубокне пуринчен те выляса илнĕ. Саламлатпăр!