16 декабря 2015 г.
Тискер чĕрчунсем урнă чирпе чирлесе кил хуçалăхĕнчи выльăх-чĕрлĕхе ертме пултараççĕ. Çавăнпа та профилактика мероприятийĕсем ирттерни пĕлтерĕшлĕ. Вăрнар район администрацийĕн хушăвĕпе килĕшÿллĕн раштав уйăхĕн 1-мĕшĕнчен тытăнса 31-мĕшĕччен тилĕ тытма ирĕк панă, пĕр чĕрчуншăн 500 тенкĕ парса хавхалантараççĕ.
Районти выльăх-чĕрлĕх чирĕсемпе кĕрешекен станци пуçлăхĕ Владимир Матвеев пĕлтернĕ тăрăх, хальлĕхе сунарçăсем ултă тилĕ тытнă. Планпа вунă чĕрчун кирлĕ. Тилĕсене районти выльăх-чирлĕх чирĕсемпе кĕрешекен станцинче йышăнаççĕ.