12 декабря 2015 г.
Хурăнсур Çармăс ялĕнче пурăнакан Кузьминсем, район администрацийĕн опека пайĕн ĕçченĕсем сĕннипе, Раççейри ача йышăннă çемьесем хушшинче ирттерекен «Наши истории» конкурса хутшăннă. Вĕсен ятарлă сайтра хăйсен кил-йыш дневникĕпе паллаштармалла пулнă. Кузьминсем хăйсем çинчен çырса кăтартнă историе палăртнă адреспа ярса панă. Çынсем хăйсене килĕшнĕ историсемшĕн сасăлама пуçланă. Вăхăт нумаях та иртмен, Кузьминсене Мускавран шăнкăравласа çапла пĕлтернĕ: Раççейĕн тĕп хулине пымалла.
«Наши истории» конкурса 432 çемье хутшăннă. Гран-присĕр пуçне темиçе номинаципе çĕнтерÿçĕсене палăртнă. Хурăнсур Çармăсри Кузьминсем «Халăх суйлавĕ» номинацире çĕнтерÿçĕ пулса тăнă. Ача йышăннă çемьене 2016 çулта Хура тинĕс хĕрринче çемьепе канма сертификат панă.