12 декабря 2015 г.
Вăрнарти нумай асап тÿснĕ Георгий Çĕнтерÿçĕ чиркĕвĕ «Рождественский вертеп» ятпа ача-пăча пултарулăх конкурсне ирттерет. Тĕллевĕ – шкул ачисене тĕн культури енне туртăнтарасси, йăла-йĕркене тытса пыма хăнăхтарасси. Вăл çитес çулхи январĕн 5-мĕшĕччен пырать. Виçĕ ушкăнпа иртет. «Семейный вертеп» уйрăм номинаци те пур. ,çсене йывăçран касса, пластинăран çыпăçтарса тума юрать. Кам пурнăçланине, хăш шкулта вĕреннине, миçе çулта пулнине палăртмалла. Çак адреспа çитерсе памалла: Вăрнар пос., Ж.Илюкин ур., 33-мĕш çурт. Конкурс пирки тĕплĕнрех – район хаçачĕн сайтĕнче.