09 декабря 2015 г.
2016 çулхи пĕрремĕш кварталта кĕçĕн тата вăтам предпринимательствăн ĕç-хĕлĕ статистикăн анлă сăнавĕ витĕр тухассине пĕлтернĕччĕ.
Чăвашстат информацийĕ тăрăх, кĕçĕн предпринимательство субъекчĕсем регионăн пĕтĕмĕшле продукчĕн 18,7 проценчĕпе (2013 çулшăн) танлашаççĕ, кунта кашни тăваттăмĕш çынна ĕçпе тивĕçтернĕ.
Ку секторта улшăнусем хăвăрт пулса иртеççĕ – çĕнĕ предприятисем уçăлаççĕ, çĕнелсе улшăнаççĕ, ĕç-хĕл сферине улăштараççĕ.
Сăнав слоганĕ – пысăк çĕршывăн пĕчĕк бизнесĕ. Чăваш Республикинче 17 пин ытла юридици сăпатне, 33 пине яхăн уйрăм предпринимателе тишкерме тивет.
Статистика сăнавĕ бизнесри чăн лару-тăрăва, ку рынокри пушă зонăна, хăш производство тупăшлине палăртма май парĕ. Çавăн пекех вăл инноваци таварĕсене сутнин тупăшне, экспортшăн ĕçлекен предприятисене, ку сектор патшалăхăн мĕнле пулăшăвĕпе усă курнине кăтартĕ.