21 ноября 2015 г.
Литература çулталăкне халалласа «Бичурин тата хальхи вăхăт» музейра Чăваш кĕнеке издательствин ертсе пыракан художество редакторĕпе, журналистпа, куçаруçăпа, çыравçăпа Г.А.Антоновăпа (Матвеевăпа) тĕлпулу иртнĕ.
Галина Алексеевна Кÿкеçри 1-мĕш шкулти 6-мĕш «в» класра вĕренекенсене хăйĕн «Хамăркка» кĕнеки пирки каласа панă. Ытти авторсемпе мĕнле ĕçленине те тĕплĕн пĕлтернĕ. Автор çавăн пекех ачасене «Чăваш» поэмăн историйĕпе паллаштарнă.
Галина Алексеевна, журналист пулнă май, паллă партизанăн «Чăвашăн» мăшăрĕпе Анастасия Константиновăпа калаçнă. Унăн терт-нуши поэмăн тĕп сăнарĕ пулса тăнă. Г.Антонова (Матвеева) ачасене «Чăваш» поэмăпа çыхăннă ыйтусене панă. Тĕрĕс хуравлакансем парнене тивĕçнĕ.
К.ЮРЬЕВ.