21 ноября 2015 г.
КУЛЬТУРА. Драма коллективĕсен «Мухтав ахрăмĕ» республика фестивалĕн йĕркипе районти конкурса пĕтĕмлетнĕ. Унта Чăрăшкас Хирлепри «Асамат» халăх театрĕн «Кин кĕртесси çăмăл мар» спектакльне чи лайăххи тесе палăртнă. Григорий Семенов вара, ку спектакльте Сашук рольне выляканскер, «Чи лайăх арçын ролĕ» номинаци çĕнтерÿçи пулса тăнă. Республикăра чи лайăххисене çывăх вăхăтра палăртĕç.
СПОРТ. «Химик» спорт клубĕн «NEXT» команди Шупашкарта фитнес-аэробикăпа иртнĕ уçă первенствăра 30 команда хушшинче чемпион пулса тăнă, январьте пулакан республика чемпионатне хутшăнма путевка çĕнсе илнĕ. Вăрнар хĕрĕсен спорт ташши хусканусем, пластика, синхронлăх енĕпе те чи лайăххи пулнă. Вĕсем Елена Аликова тренер патĕнче ăсталăха туптаççĕ.
Маларах вара Вăрнарти хутăш препаратсен завочĕн ĕçченĕ Андрей Алексеев Тăвайĕнче иртнĕ «Ял вăййисенчен – Олимп вăййисем таран» республика турнирĕнче 35 çултан аслăрах участниксем хушшинче чи вăйлă йывăр атлет ятне çĕнсе илнĕ. Икĕ енлĕ кĕрешÿре вăл 190 очко пухнă.
С.СВЕТЛОВА.