Публикации » Ăсталăха ÿстереççĕ

18 ноября 2015 г.

Чăрăшкас Хирлепри пĕтĕмĕшле пĕлÿ паракан тĕп шкулта «Хирлеп ен çăлкуçĕсем» кружок ăнăçлă ĕçлет. Светлана Ильина ертсе пынипе ачасем сăвă-калав çырма вĕренеççĕ. Пĕр-пĕр уяв тĕлне ялан стена хаçачĕ кăлараççĕ. Унта пĕтĕмпех тĕрлĕ классенче вĕренекенсен ĕçĕсем. Кружок ертÿçи ачасене тăван чĕлхене хисеплеме, çырас ăсталăха ÿстерме пулăшать. Пултаруллисем уроксем вĕçленнĕ хыççăн пĕрле пуçтарăнаççĕ. Сăвă-калав кăна мар, юмах та çыраççĕ. Темăна хăйсемех шыраса тупаççĕ. Кружока çÿрекенсем шкул юбилейĕ умĕн ятарлă кăларăм хатĕрлеме пултарнă. Ачасене пĕрле чухне питех те интереслĕ, çĕннине те нумай пĕлеççĕ.