11 ноября 2015 г.
Чăваш ен Пуçлăхĕ Михаил Игнатьев çĕршыв субъекчĕсен ертÿçисен витĕмлĕхĕн рейтингĕнче каллех хăйĕн позицине лайăхлатнă. Иртнĕ уйăхрипе танлаштарсан, октябрьте вăл 18 пункт çĕкленнĕ, 34-мĕш вырăн йышăннă. Çапла «Вăтам витĕмлĕх» ушкăнĕнчен «Вăйлă витĕм» ушкăна куçнă.
Рейтинг кăтартăвĕсемпе вăл халĕ Атăл тăрăхĕнчи регионсен 14 ертÿçи хушшинче «ылтăн варринче» – 7-мĕш вырăнта.
Ыйтăма политиксем, экономистсем, медиа представителĕсем хутшăннипе Политика тата экономика коммуникацийĕсен агентстви ирттернĕ.
Информаци коммуникацийĕсен «Рейтинг» центрĕ ирттернĕ ыйтăмра вара Михаил Игнатьев 20-мĕш вырăн йышăннă. ПФО субъекчĕсен ертÿçисем хушшинче – 3-мĕшĕнче.
Сентябрь – октябрь уйăхĕсенче рейтинг кăтартăвĕсен шутне сентябрĕн 13-мĕшĕнчи суйлав ăнăçăвне, ĕç рынокĕнчи ыйтăва татса парассипе çине тăрса ĕçлени, ЖКХ сферине модернизацилессине тĕпе хуни тата ытти те кĕнĕ.