28 октября 2015 г.
Раççей строительство тата ЖКХ министрĕн заместителĕ, патшалăх çурт-йĕр инспекторĕ Андрей Чибис Шупашкарта ĕçлĕ çÿревпе пулнă май Чăваш ен Пуçлăхĕпе Михаил Игнатьевпа тĕл пулса çивĕч ыйтусене хускатнă.
Регион ертÿçи нумай хваттерлĕ çуртсенче тĕплĕ юсава пурăнакансенчен 70 ытла проценчĕ ытларах тÿлев хывакан çуртсенче маларах ирттерме сĕннĕ.
Андрей Чибис Чăваш енри ЖКХ сферине патшалăх – уйрăм çын партнерствипе инвестицисем хывас енĕпе тĕрĕс çул-йĕр тытса пынине палăртнă, ку енĕпе республика рейтингра Раççейре виççĕмĕш вырăнта пулнине пĕлтернĕ. «Пире ЖКХ сферинче ăнăçу тĕслĕхĕ кирлĕ. Чăваш енрен ытти регионсен те вĕренмелле», – тенĕ вăл хăй сăмахĕнче.