28 октября 2015 г.
Тимĕрçкасси каччине, Вăрнарти ял хуçалăх техникумĕнче вĕренекен Александр Николаева хăй ÿсĕмĕнче призлă вырăншăн хытах кĕрешме тивнĕ. Ун категорийĕнче гиревиксем-КМС-никсем виççĕн тан тупăшнă. Вĕçне çити тăрăшнă пулин те бронза медале вăл 10 очкопа выляса янă.
Каччăшăн ку та – тивĕçлĕ кăтарту. «Хыпар» хаçат парнисемшĕн иртекен ăмăрту Пĕтĕм Раççейри статуса йышăннăранпа унта кире пуканне йăтакан çĕршыври вăйлă спортсменсем тупăшаççĕ. Çитменнине, Саша икĕ енлĕ кĕрешÿре хăйĕн результатне çĕнетнĕ, аслисен пĕрремĕш разрядне тултарнă.
Вăрнар районĕшĕн кĕрешнĕ тепĕр çамрăка вара ăнăçнă. Поселокри 1-мĕш шкулта вĕренекен Катя Лукина хăйĕн ÿсĕмĕнче кĕмĕл медаль çĕнсе илнĕ.