24 октября 2015 г.
ЧР Министрсен Кабинечĕн Председателĕ Иван Моторин Мускавра ĕçлĕ тĕлпулусем ирттернĕ. РФ строительство, пурăнмалли çурт-йĕрпе коммуналлă хуçалăх министрĕн çумĕпе Андрей Чибиспа республикăри граждансене авариллĕ çуртсенчен куçарассипе çыхăннă программăна пурнăçлас ыйтăва сÿтсе явнă.
Чăваш ен премьер-министрĕ çавăн пекех РФ Строительство министерствин Финанс департаменчĕн ертÿçипе те тĕл пулнă. Унпа Шупашкар хулинчи Хĕрлĕ лапамри инженерипе коммуникаци тытăмне тĕпрен çĕнетесси, Атăл çыранне çирĕплетесси çинчен калаçнă. Ку ĕçсене Шупашкар хулине йĕркеленĕренпе – 550, Чăваш автономи облаçне туса хунăранпа 100 çул çитнине халалласа пурнăçламалли тĕп мероприятисен планне кĕртнĕ.