14 октября 2015 г.
Октябрĕн 19–23-мĕшĕсенче республикăра пуçласа Ял кинофестивалĕ иртет.
Аслă Çĕнтерĕвĕн 70 çулхи юбилейне тата Литература çулталăкне халалланă литература произведенийĕсене экранизацилессине Чăваш Республикин электронлă тата кинодокументацин патшалăх архивĕ «ЛУКОЙЛ» компани пулăшнипе пуçарнă.
Архив кăçал ку компани ирттернĕ регионти социокультура проекчĕсен çĕнтерÿçи пулса тăнă. Чыслава çак кунсенче кăна Чулхулара тивĕçнĕ.
Пилĕк кунта кинофестиваль Етĕрнене, Çĕрпÿне, Муркаша, Элĕке тата Кÿкеçе çитет. Программи пуян. Ял çыннисем «Испанец», «Цель вижу» илемлĕ фильмсене, çавăн пекех «А зори здесь тихие», «В тумане», «Единичка» çĕнĕ кинолентăсене пăхма пултараççĕ. Мĕнпур кинокурав тÿлевсĕр.