03 октября 2015 г.
Интернет паян çынсене пĕр-пĕринпе Çĕрĕн кирек хăш кĕтесĕнчен калаçма тата тĕрлĕ информацие илме май парать. «Электронлă правительство» аталану концепцийĕпе килĕшÿллĕн информаци технологийĕсем патшалăха ертсе пырас сферăна та çирĕп кĕрсе вырнаçрĕç. Уйрăммăн илсен, ку патшалăх тивĕçтерĕвĕсене электронлă майпа илессипе çыхăннă.
Раççей Шалти ĕçсен министерствин «Вурнарский» пайĕн лицензи илме ирĕк парассипе ĕçлекен уйрăмĕн хăшпĕр тивĕçтерĕвĕсене те www.gosuslugi.ru сервис урлă илме пулать.
Ку майпа Раççей гражданинĕ газлă пистолетсене, револьверсене, сигнал пăшалĕсене, РФ наци тумĕсемпе е казак формипе пĕрле йăтса çÿреме юракан çивчĕшлĕ пăшалсене туянма лицензи илме; вут-çулăм кăларакан вăрăм кĕпçеллĕ спорт пăшалне, спорт занятийĕсенче усă куракан сунар пăшалне, 7,5 Дж пысăках мар хăватлă пневматикăллă спорт пăшалне тата ун валли патронсене упрама тата йăтса çÿреме ирĕк илме; уйрăм хурал удостоверенине тата патшалăхăн ытти тивĕçтерĕвне илме килтен тухмасăрах заявлени çырма май пур.
Административлă процедурăсен йĕркине асăннă уйрăмра, çавăн пекех 2-50-02 телефонпа е патшалăх тивĕçтерĕвĕсен пĕрлехи порталĕнче пĕлме пулать.
Лицензи илме ирĕк парассипе ĕçлекен инспектор патшалăх тивĕçтерĕвĕсен ыйтăвĕсемпе ытларикун 9 сехетрен пуçласа 17 сехетчен, кĕçнерникун 10 сехетрен пуçласа 17 сехетчен йышăнать, 12-пе 13 сехетчен – апат вăхăчĕ.
Д.ФИРСОВ,
Раççей ШĔМ-ĕн районсем хушшинчи
«Вурнарский» пайĕн пуçлăхĕн заместителĕ
полици подполковникĕ.