23 сентября 2015 г.
Галина Петровна Петрова 1958 çулта Кивял Хапăсра вăтам хресчен çемйинче çуралса ÿснĕ. Ачаранах амăшне пулăшма юратнă.
Вăрнарти 1-мĕш вăтам шкултан вĕренсе тухсан хамăрăн йăла комбинатĕнчи пир-авăр, трикотаж цехĕнче ĕçлеме пуçлать.
1981 çулхи июльте «Çеçпĕл» садике куçать. Качча тухать. Ывăл ÿстерет. Ăна аслă пĕлÿ илме хавхалантарать. Халĕ Андрей Шупашкарта ĕçлесе пурăнать.
Г.Петрова «Çеçпĕл» садикре повар пулса пĕр улшăнмасăр вăтăр тăватă çул ĕçленĕ. Хисеплĕ ветеран. Апат-çимĕçе тутлă пĕçернĕ. Унпа ачасен ашшĕ-амăшĕсем, Валентина Аркадьевна медсестра кăмăллă пулнă. Вăл кухньăри йĕркешĕн çирĕп ыйтнă. Галина Петровна халĕ тивĕçлĕ канура, Вăрнарта пурăнать.
Н.ПАРАМОНОВА.
Малтикас Ялтăра.