16 сентября 2015 г.
Чăваш Республикин Тĕп суйлав комиссийĕ пĕлтернĕ тăрăх – Чăваш Республикин Пуçлăхĕн суйлавĕн малтанхи пĕтĕмлетĕвĕпе килĕшÿллĕн асăннă сасăлава 28 территорири тата 1184 участокри суйлав комиссийĕнче ирттернĕ. 28 ТСКра пĕтĕмлетĕве 100 проценчĕпех тунă, сентябрĕн 14-мĕшĕнчи 18 сехет тĕлне участокри суйлав комиссийĕсен 98,23 проценчĕ суйлава пĕтĕмлетнĕ. Ку ĕç малалла пырать, пĕтĕмлетÿ кĕçех тулли пулĕ. Унăн кăтартăвĕ пĕтĕмĕшле цифрăсене улăштараймĕ.
Суйлава хутшăннисен сассисем çакăн пек:
Михаил Игнатьевшăн – 362301 суйлавçă - 65,54%;
Олег Николаевшăн – 80130 суйлавçă - 14,79%;
Валентин Шурчановшăн – 69194 суйлавçă - 12,77%;
Константин Субботиншăн – 18235 суйлавçă -3,37%;
Чăваш Республикин Тĕп суйлав комиссийĕ Чăваш Республикин Пуçлăхĕн суйлавĕ пĕр тапхăрпах иртнине çирĕплетнĕ. Михаил Игнатьев Пуçлăх должноçне йышăннă ятпа инаугураци сентябрĕн 19-мĕшĕнче иртмелле.