12 сентября 2015 г.
Раççей Президенчĕ çумĕнчи ачасен прависемпе ĕçлекен уполномоченнăй Павел Астахов пуçарăвĕпе «Не паркуй ребенка» информаци кампанийĕ старт илнĕ.
Çулсерен Раççейре ашшĕ-амăшĕ автомобильсенче асăрхавсăр хăварнипе вуншар ача вилет. Нумайăшĕ çапла туни инкек патне илсе çитерме пултарнине ăнкармаççĕ те.
Кампани тĕллевĕ – ашшĕ-амăшне çак ыйтăва тимлĕх уйăрма вĕрентесси. Ку енĕпе «непаркуйребенка.рф» ятарлă сайт та уçнă.
Кăçалхи августăн 14-мĕшĕнче акă Камчаткăра ашшĕ питĕрсе хăварнă машинăра 12 çулхи арçын ача пÿлĕнсе вилнĕ. Ставрополь крайĕнче 6 çулхи ача стеклоподъемникпа пăвăннă. Ульяновскра çак сăлтавпах 6 çулхи хĕрачан пурнăçĕ татăлнă. Шел те, кусем ачасем автомобильте вилнĕ пĕр тĕслĕх çеç мар, вĕсем тата нумай.
Ачана машинăра мĕншĕн пĕччен хăвармалла мар?
Ачана ăшă çапма е вăл шăнса вилме пултарать.
Машина пăвма пултарать: ача хăрушсăрлăх ременĕпе пăвăнать е стеклоподъмник айне пулать.
Машина хыпса илме пултарать.
Машина вырăнтан тапранма, вăл шутра путма та, пултарать.
Эвакуатор ачапа пĕрле машинăна та илсе каять.
Ача ларакан автомобиле ытти машинăсем пырса тăрăнма пултараççĕ.
Машинăна ачапа пĕрле вăрласа тарма пултараççĕ.
Ача машинăна хăй тапратма, вырăнтан куçарма пултарать.
Асăрхануллă пулăр! Ачăрсене упрăр!