12 сентября 2015 г.
Раççей Федерацийĕн правительстви федерацин «Пурăнмалли çурт-йĕр» тĕллевлĕ программине 2020 çулччен тăснă тата унăн пилĕк çумпрограммăллă çĕнĕ редакцине çирĕплетнĕ.
«Çамрăк çемьесене пурăнмалли çурт-йĕрпе тивĕçтересси» çумпрограмма рамкисемпе социаллă тÿлев илмелли свидетельствăсене 157,36 пин çамрăк çемьене пама планласа хунă.
«Раççей Федерацийĕн субъекчĕсенче пурăнмалли çурт-йĕр тăвассине аталантармалли программăна вăйлатасси» çумпрограммăпа Раççей регионĕсенчи эконом-класс шутне кĕрекен пурăнмалли çурт-йĕр лартакан районсен социаллă тата инженери инфратытăмне тата строительствăна малалла аталантарĕç.
«Федераллă законодательствăпа пăхнă категорисене кĕрекен граждансене пурăнмалли çурт-йĕрпе тивĕçтерес патшалăх обязательствисене пурнăçласси» çумпрограммăпа 53,96 пин çемьене, çав шутра тарса килнисене тата чернобылецсене 2020 çул тĕлне пурне те пурăнмалли çурт-йĕрпе тивĕçтерме тĕллев лартнă. 2015 – 2020 çулсенче «Пурăнмалли çурт-йĕр» программăна пурнăçлама финанс енчен туллин тивĕçтерме 691,82 млрд тенкĕ уйăрма палăртнă, ку вăл 230 пин ытла çемьен пурăнмалли условийĕсене лайăхлатма май парĕ», – тесе пĕлтерет ЧР Строительство, архитектура тата пурăнмалли çурт-йĕрпе коммуналлă хуçалăх министерствин пресс-служби.