29 июля 2015 г.
Раççей Следстви комитечĕн Чăваш енри следстви управленийĕн уйрăмах пĕлтерĕшлĕ ĕçсене тĕпчес енĕпе ĕçлекен иккĕмĕш пайĕ Шупашкарта пурăнакан 26-ри хĕрарăм тĕлĕшпе уголовлă ĕç пуçарнă. Вăл Раççей Уголовлă кодексĕн 198-мĕш статйин 2-мĕш пайĕнче пăхнă (уйрăмах пысăк виçепе налук тÿлеменнинчен пăрăннăшăн) преступление тунă тесе шутлаççĕ.
Следстви версийĕпе, айăплă тесе шутланакан çын 2011 çулхи январьтен тытăнса 2014 çулхи июль уйăхĕччен куçман пурлăх объекчĕсене, çĕр лаптăкĕсене, транспорт хатĕрĕсене сутнă, çавăн пекех Вăрнар поселокĕн территорийĕнче вырнаçнă кулленхи таварсен лавккисене арендăна парса тăнă. Анчах та палăртнă йĕркепе налук органне налук декларацийĕсем тăратман. Çапла вăл хушма хак тата уйрăм çынсен тупăшĕ çине хуракан налуксене 5 млн та 300 пин тенкĕлĕх хывман. Уголовлă ĕçе малалла тĕпчеççĕ.