25 июля 2015 г.
Вутлă хĕç-пăшалпа усă курса преступлени тăвассине, çавăн пекех пăшалсен, боеприпассен тата сирпĕнекен материалсен саккунсăр çаврăнăшне асăрхаттарас тĕллевпе районта регистрацилемен пăшала хăйсен ирĕкĕпе яланлăх шалти ĕçсен пайне парас ятарлă мероприяти пырать.
Саккунсăр упранă хĕç-пăшала, боеприпассене, сирпĕнекен материалсене тавăраканăн ячĕ вăрттăнлăхра пулĕ. Çак япаласене хăй ирĕкĕпех паракансене вĕсене тата вĕсен тĕп пайĕсене саккунсăр туяннăшăн, тепĕр çынна панăшăн, упранăшăн, тиесе тата йăтса çÿренĕшĕн тата саккунсăр туса хатĕрленĕшĕн хуракан уголовлă явапран хăтарĕç.
Хĕç-пăшал хатĕрĕсене хăй ирĕкĕпе пырса паракансене укçан хавхалантарĕç. Виçисем çапла:
яка кĕпçеллĕ вутлă сунар пăшалĕ (1 шт.) – 1000 – 1500 тенкĕ;
касăмлă кĕпçеллĕ вутлă сунар пăшалĕ (1шт.) – 1500 – 3000 тенкĕ;
вутлă çар хĕç-пăшалĕ (1 шт.) – 3000 – 4500 тенкĕ;
кĕпçине касса кĕскетнĕ харпăр хăй ăсталанă перекен хатĕр (1 шт.) – 1000 – 1500 тенкĕ;
граната, мина, снаряд (1 шт.) – 3000 – 4500 тенкĕ;
сирпĕнекен хатĕрсем (100 гр.) – 500 – 1500 тенкĕ;
боеприпассем (1шт.) – 10–20 тенкĕ;
сирпĕтмелли хатĕрсем (детонаторсем, çулăм яракан вĕрен тата ытти те (1шт./1 метр) – 800 – 1000 тенкĕ.
Мĕнпур ыйтупа Раççей Шалти ĕçсен министерствин районсем хушшинчи «Вурнарский» пайне шăнкăравласа пĕлме пулать, тел. 2-50-02.
Д.ФИРСОВ,
Раççей Шалти ĕçсен министерствин
«Вурнарский» пайĕн пуçлăхĕн
тивĕçĕсене вăхăтлăха пурнăçлакан
полици подполковникĕ.