18 июля 2015 г.
Инвалидноçпе тата тăрантаракана çухатнипе пенси илекен шкул ачисемпе студентсен çуллахи вăхăтра ĕçе вырнаçни пирки Раççей Пенси фончĕн Вăрнар районĕнчи управленине пĕлтермелле.
Икĕ хут тÿлени пулса ан кайтăр тесе, кун çинчен ĕçлекен уйăхрах пĕлтермелле. Пенси фончĕн специалисчĕсем социаллă хушма тÿлеве вăхăтра чарса лартма пултарĕç. Ĕç тапхăрĕ вĕçленнĕ хыççăн ăна çĕнĕрен тавăрма пулĕ.
Паянхи кун Чăваш Республикинче пенси илекен 1,3 пин çынна, тĕпрен илсен тăрантаракана çухатнисене, социаллă хушма тÿлеве пама пăрахнă. Нумайăшĕнчен ăна ĕçленĕ вăхăтра та илсе тăнăшăн шыраса илме тивнĕ.
Саккунпа килĕшÿллĕн ку категорири çула çитмен ĕçлемен çамрăксене, регионти пурăнмалли чи пĕчĕк виçерен (15771 тенкĕ) сахалрах тупăш илекенсене, федераллă социаллă тÿлев хушса параççĕ. Ун вăтам виçи 1146 тенкĕпе танлашать. Вăрнар районĕнче ăна 700-е яхăн çамрăк илсе тăрать.
Раççей Пенси фончĕн Вăрнар районĕнчи управленийĕ.