15 июля 2015 г.
Районти мĕнпур формăллă хуçалăхсенче выльăх апачĕ хатĕрлес ĕç малалла пырать. Тунтикун тĕлне нумай çул ÿсекен курăксене 5675 га, пĕр çул ÿсекеннисене 675 га çинчен çулнă. 5859 тонна утă (планпа пăхнин 127,6%), 13834 тонна сенаж (87,9%) хатĕрленĕ. Пĕтĕмĕшле кашни выльăх пуçне 13,7 центнер апат единици хывнă.
Канашри зонăри ветлаборатори тĕрĕслевĕсемпе 16 хуçалăхра утă пахалăхĕн 68 проценчĕ 1-мĕш класа, 27 проценчĕ 2-мĕш класа тивĕçтерет. Ăна чи тутлăхлă хатĕрлессипе К.Маркс ячĕллĕ, «Мураты», «Янгорчино» хуçалăхсенче уйрăмах хытă тимлеççĕ.
8450 тонна симĕс масса та лаборатори тĕпчевĕ витĕр тухнă. 76 проценчĕ 1-мĕш класа, 8 проценчĕ 2-мĕш класа тивĕçнĕ. Сенаж пахалăхĕпе К.Маркс ячĕллĕ, «Мураты», «Янгорчино», «Кольцовка», «Хорнзор», «Победа» хуçалăхсем, Вăрнарти аш-какай комбиначĕ палăрнă.