15 июля 2015 г.
Пăрачкав районĕнче вырăнти лавккара ĕçленĕ хĕрарăм 360 пине яхăн тенкĕлĕх хаклă япаласем тата укçа вăрланă тесе шутлаççĕ.
Раççей Следстви комитечĕн Чăваш енри следстви управленийĕн Çĕмĕрлери следстви пайĕ Пăрачкав райпо ĕçченĕ тĕлĕшпе уголовлă ĕç пуçарнă. Хĕрарăм малтанах лавккара сутуçăра тимленĕ, хыççăн заведующи тивĕçĕсене пурнăçланă.
Следстви версийĕпе айăплă тесе шутланакан çын Пăрачкав салинче ĕçленĕ лавккаран 2014 çулхи октябрьтен пуçласа 2015 çулхи март уйăхĕччен хаклă япаласем тата укçа вăрланă, райпона асăннă сумма чухлĕ тăкак кÿнĕ.
Пулса иртнине туллин уçса парас тĕллевпе халĕ следстви ĕçĕсем малалла пыраççĕ.
Ку факта Раççей Следстви комитечĕн следователĕсем экономика хăрушсăрлăхĕн пайĕпе тата Раççей Ш,М-ĕн коррупципе кĕрешекен муниципалитетсем хушшинчи «Шумерлинский» пайĕпе пĕрле тупса палăртнă.