15 июля 2015 г.
Росреестр порталĕнче патшалăх кадастр хаклавĕн даннăйĕсен фондĕнче ял хуçалăх пĕлтерĕшлĕ çĕрсен кадастр хакне палăртассипе отчет проектне вырнаçтарнă. Унпа кашниех паллашма тата хăйĕн сĕнĕвне хăварма пултарать.
Отчет проекчĕ августăн 5-мĕшĕччен уçă, граждансем хаклавçăсен йăнăшĕсене пĕлтерме, çĕр лаптăкĕсен кадастр хакне палăртма пулăшма пултараççĕ. Портала кĕрсе ун содержанийĕпе тĕплĕ паллашмалла çеç.
Асăрхаттарусене çырупа (109028, г.Москва, ул. Воронцово поле, д. 4а) е электронлă майпа (oo–uddfrs1@rosreestr.ru) пĕлтерме пулать. Вĕсене пурне те Росреестр порталĕнче вырнаçтарĕç.
– Отчета хăйсен сĕнĕвне фермерсем те, ял хуçалăх организацийĕсем те, çĕр пайĕсен хуçисем те кĕртме пултараççĕ. Вĕсен кадастр хакĕ çине ăна çирĕплетиччен витĕм кÿме май пур. Аса илтерем, кадастр хакĕн улшăнăвĕнчен налук хакĕ те, аренда тÿлевĕн хакĕ те килĕ, – пĕлтерет Росреестрăн Чăваш енри управленийĕн ертÿçин заместителĕ Татьяна Расколова.
Асăрхаттарусене вăхăтра тăратмасан, çĕр лаптăкĕн кадастр хакне кайран Росреестрăн кадастр хакĕсен результачĕсем тĕлĕшпе тавлашусене татса парас енĕпе ĕçлекен комиссире е Чăваш Республикин Аслă судĕнче кăна тепĕр хут пăхса тухма май пулĕ.