11 июля 2015 г.
Ачасен çуллахи канăвне усăллă та лайăх ирттерес тесе Мăн Явăшри пĕтĕмĕшле пĕлÿ паракан вăтам шкулта сывлăх лагерĕ ĕçлерĕ. Ăна Светлана Веняминовна Фомина педагог ертсе пычĕ. Кĕçĕн классенчи 36 ача пĕр уйăхра хăйсен сывлăхне самаях тĕреклетрĕ.
Ачасен ăс-тăнĕ, ÿт-пÿ аталанăвĕ, сывлăх тĕреклĕхĕ вĕсем мĕнле апатланнинчен нумай килет. Çакна асра тытса шкул столовăйĕнчи Любовь Федорова повар апат пахалăхне куллен лайăхлатса пыма тăрăшрĕ.
Лагерьте ачасене физкультурăпа спорт ăмăртăвĕсене ытларах явăçтарас тесе Г.Иванова, З.Казакова, Т.Иванова, А.Андреев воспитатель-педагогсем ятарлă программăпа ĕçлерĕç. Сывлăх лагерĕнче канакансем юрă-ташăпа киленчĕç, походсенче пулчĕç, районти музейсемпе спорт комплексне çитсе курчĕç.
В.МОСКВИН.