08 июля 2015 г.
Информаци коммуникацийĕсен «Рейтинг» центрĕ Раççей субъекчĕсен пуçлăхĕсен ĕç-хĕлне хаклакан черетлĕ тĕпчев кăтартăвĕсене пĕлтернĕ. Чăваш ен Пуçлăхĕн тивĕçĕсене вăхăтлăх пурнăçлакан Михаил Игнатьев лидерсен ушкăнне кĕнĕ. Иртнĕ тĕпчевпе танлаштарсан ун рейтингĕ пилĕк пункт çĕкленнĕ.
Экспертсен хаклавĕпе Михаил Игнатьевăн позицине çирĕплетни ăна республикăна вăхăтлăх ертсе пыма лартни, вăл праймеризра тивĕçлĕ çĕнтерни тата ун кандидатурине «Единая Россия» партирен регион пуçлăхĕ пулма тăратни пулăшнă.
Рейтинга регионти тата федераллă экспертсен шухăшне, уçă çăлкуçсен материалĕсене шута илсе хатĕрленĕ.