01 июля 2015 г.
Районти культура çурчĕн ĕçченĕсем сезон вĕçленнĕ ятпа иккĕмĕш çул Сывлăх кунне йĕркелеççĕ.
Хальхинче те старта ку тытăмра тимлекенсем кашни тенĕ пек тухнă. 100 метра чупассипе районти культура çурчĕн аккомпаниаторĕ Евгений Кудрявцев, Çавалкасри клуб ĕçченĕ Лидия Иванова тата Çăкаллă Явăшри Альбина Петрова чи хăвăрттисем пулнă. Ункăна чи нумай çавăраканĕсем – Çавалкасри Лидия Иванова тата Элмен Сунарти Лена Тимофеева.
Хаваслă стартсенче культура вучахне тытса пыракансем виçĕ ушкăна пайланнă: шÿтлĕ конкурссенче, стартăн тĕрлĕ тĕсĕсенче тупăшнă.
Сывлăх кунне районти культура ĕçченĕсен профсоюзĕн пирвайхи организацийĕн (ертÿçи Галина Иванова) пуçарăвĕпе йĕркеленĕ.
С.ЧИКМЯКОВА.