17 июня 2015 г.
Раççей Следстви комитечĕн Чăваш Республикинчи следстви управленийĕ регионта шăрăх çанталăк пуçланнă май юханшывсемпе пĕвесенче ачасене тимлĕ асăрхамалли çинчен аса илтерет.
Пĕлтĕр шыври инкексенче 3–13 çулсенчи сакăр ача вилнĕ. Ытларахăшĕ – яллă вырăнсенче. Тишкернĕ тăрăх, инкексен сăлтавĕ – ачасем аслисенчен ыйтмасăр шыв хĕрне кайни, ишме пĕлменни, ашшĕ-амăшĕ тимлĕхсĕр пулни.
Шыв хĕрринче ачасене пĕр самантлăха та куçран ан вĕçертĕр. Ятарлă вырăнта кăна шыва кĕме ирĕк парăр. Кĕçĕннисене специалистсем пулăшнипе ишме вĕрентĕр.