17 июня 2015 г.
Калинино шкулĕнчи çамрăк космонавтсен «Стриж» тата «Звездный» отрячĕсем Хусанти наукăпа тĕпчев техника университетĕнче пулчĕç.
Ку шкултан вĕренсе тухнисем çак аслă шкулта пĕлÿ илнĕ: Вениамин Волков, Николай Константинов, Станислав Львов, Владислав Степанов тата ытисем те.
Ачасене çĕнĕ технологисен Германи–Раççей институчĕн хăш-пĕр лабораторине кĕртсе кăтартрĕç. Вĕренекенсем микротĕнчепе паллашрĕç. «Буран» космос ракетин модельне ăсталас мастер-класа хутшăнчĕç. Студентсемпе пĕрле аудиторире лекци итлерĕç. Хусан Кремлĕнче пулчĕç. Çулçÿрев ачасен чунне хăпартлантарчĕ. Тен, хăшĕсем каярах Хусан университечĕн студенчĕсем те пулса тăрĕç-ха.
Г.ЗАЙЦЕВА.