11 июня 2015 г.
Районти хуçалăхсенче выльăх апачĕ хатĕрлесси кунран-кун сарăлса пырать. Кăçал пĕтĕмпе 19486 тонна тутлăхлă апат, 6138 тонна утă, 13221 тонна сенаж, 14275 тонна силос, 18433 тонна симĕс апат хатĕрлеме пăхнă.
Паянхи куна ку енĕпе К.Маркс ячĕллĕ, «Мураты», «Янгорчино» хуçалăхсенче, Вăрнарти аш-какай комбинатĕнче тата Игорь Сергеев фермер хуçалăхĕнче хастар ĕçлеççĕ.
Çавалкассем 80 тонна сенаж хывнă, утă типĕтессипе тимлеççĕ. Уйкас-явăшсем 150 тонна утă рулонланă, 400 тонна сенаж тултарнă. Çĕрпелсемпе аш-какай комбинатĕнчи ĕçченсем симĕс массăна траншейăсене шăматкун хывма тытăнаççĕ.