10 июня 2015 г.
Июнĕн 12-мĕшĕнче пирĕн çĕршыв пĕлтерĕшлĕ патшалăх уявне – Раççей кунне паллă тăвать. 2002 çулччен çак кун Раççей патшалăх суверенитечĕ çинчен калакан Декларацие йышăннă кун шутланнă. Ăна РСФСР халăх депутачĕсен пĕрремĕш съезчĕ 1990 çулхи июнĕн 12-мĕшĕнче çирĕплетнĕ, унта Раççей Конституцийĕ тата ун саккунĕсем тĕпписем пулнине палăртнă.
Çак вăхăт тĕлне СССРăн чылай республики хăйсен суверенитетне йышăннă, документ республикăсем пĕрин хыççăн тепри хăйсен никамапăхăнманлăхĕпе уйрăлнă вăхăтра çирĕпленнĕ. Раççей патшалăхĕ те çĕнĕ ят илнĕ – Раççей Федерацийĕ (Раççей).
Сăмах май, шăпах июнĕн 12-мĕшĕнче Раççейĕн пуçласа Президент пулса тăнă – çак кун, анчах 1991 çулта çĕршывра пĕрремĕш хут Президента пĕтĕм халăхпа суйланă, унта Б.Н.Ельцин çĕнтернĕ. Вăл 1994 çулта хăйĕн указĕпе июнĕн 12-мĕшне патшалăх пĕлтерĕшлĕ уяв тесе палăртнă, Раççей патшалăх суверенитечĕ çинчен калакан Декларацие йышăннă кун.
Çĕнĕ ята уяв официаллă 2002 çулхи февралĕн 1-мĕшĕнче, РФ çĕнĕ ,ç кодексĕ вăя кĕнĕ кун, илнĕ.
Ку – ирĕклĕх, граждансен туслăхĕн тата мĕнпур çын килĕшĕвĕн уявĕ. Паян Раççей кунĕ ытларах патриотизм сĕмĕллĕ, вăл нацисен пĕрлĕхĕн, çĕршыв пуласлăхĕн пĕрлехи яваплăхĕн символĕ пулса тăрать.
Çак кун çĕршывра, республикăра, хамăр районта тĕрлĕ мероприятисем иртеççĕ. Вĕсене тĕрлĕ ÿсĕмри çынсене явăçтараççĕ.
– Пирĕн районта та мероприятисен планĕ пуян. Мĕнпур библиотекăра Раççей кунне халалласа кĕнеке куравĕсем, калаçусем иртеççĕ. Кĕçнерникун районти культура çуртĕнче уяв концерчĕ пулать. Çавăн пекех Раççей кунĕ йĕркипе 14 çул тултарнă çамрăксене чаплă лару-тăрура Раççей Федерацийĕн гражданĕсен паспорчĕсене парса чыслĕç, – пĕлтерчĕ район администрацийĕн социаллă аталану пайĕн пуçлăхĕ Сергей Гордеев.