03 июня 2015 г.
Ыран, июнĕн 4-мĕшĕнче, Чăваш енри вăтам специальноç паракан вĕренÿ заведенийĕсен студенчĕсемпе преподавателĕсем вырăс литература чĕлхине мĕнле пĕлнине кăтартĕç. Литература çулталăкĕн йĕркипе Александр Пушкин çуралнă кунĕнче республикăра пуçласа Вырăс чĕлхин уçă фестивалĕ пулать.
Унта вырăс чĕлхин историне тата унăн хальхи правилисене пĕлессине тĕрĕслĕç. Çавăн пекех вулавçăсен конкурсĕ те пулĕ – фестивале хутшăнакансем аслă классикăн Ылтăн фондри поэзине илемлĕ вулассипе тупăшĕç.
Фестиваль Шупашкарти электромеханика колледжĕнче (Ленин пр., 9) тата Чăваш Республикин культура училищинче (Энтузиастсен ур., 26) иртет.