Публикации » Канашсем те кĕтеççĕ

30 мая 2015 г.

Кăçал Республика кунне пуçтарăнакан çĕр-çĕр хăнана Шупашкар хулипе пĕрле Канаш районĕ те йышăнать. Çавăнпа çак сумлă уява тивĕçлĕ кĕтсе илес ыйтăва район администрацийĕнче тĕпе хураççĕ. Тĕрлĕ çĕршывран килекен хăнасене кашни ял тăрăхĕ хăйнеевĕрлĕхĕпе тĕлĕнтерме тăрăшмалла. Çапларах тĕллев лартнă культура ĕçченĕсем. Çак ĕçе мĕнле пурнăçламаллине тĕплĕ сÿтсе явнă, татăклă план çирĕплетнĕ. Апла пулин те эрнесеренхи канашлусенче ял тăрăхĕсен пуçлăхĕсемпе ăна çĕнетмелли, пуянлатмалли тупăнсах пырать. Район ĕçченĕсен пултарулăхĕпе, ăсталăхĕпе паллаштарасси çинчен кăна мар, тавралăха тирпей-илем кĕртес ĕç пирки те, ытти ыйту çинчен те манмалла мар-çке.