30 мая 2015 г.
«Малышиада» спорт вăййин районти тапхăрне поселокри пилĕк тата ялсенчи виçĕ ача сачĕ хутшăнчĕ.
Малтанах кĕçĕннисем ритмика гимнастики енĕпе тупăшрĕç. Чи маттуррисем Вăрнарти «Рябинка» ача сачĕн воспитанникĕсем пулчĕç. 2-мĕш вырăнта «Сеспель», виççĕмĕшĕнче «Березка» командисем.
«Химик» стадионта тăсăлнă спорт ăмăртăвĕсем тăршшĕне сикессине тата чупассине пĕрлештерчĕç. Уйрăм зачетра 30 метр дистанцире «Сеспель» ача садĕнчи Снежана Чугунован тата «Ромашка» ача садĕнчи Костя Кокинăн результачĕсем чи лайăххисем. 200 метрта чи хăвăрттисем – Кÿстÿмĕрти «Ивушкăри» Алина Наумова тата поселокри «Ромашкăри» Даниил Юркин. А.Наумова тăршшĕне сикессипе те чи маттурри пулчĕ. Арçын ачасенчен ку тĕсре «Сеспель» ача садĕнчи Илья Кожанов палăрчĕ.
Пĕтĕмĕшле зачетра 1-мĕш вырăна «Сеспель», 2-мĕшне «Ромашка», 3-мĕшне «Ивушка» ача сачĕсем тухрĕç.
С.ЧИКМЯКОВА.