23 мая 2015 г.
Иртнĕ çулхи ноябрьте Чăваш Республикин Пуçлăхĕ Михаил Игнатьев «,ç ветеранĕ» ята илме ĕç стажĕн планкине чакарасси пирки Указа алă пуснăччĕ. Вăл кăçалхи июнĕн 1-мĕшĕнчен вăя кĕрет. Халĕ ку хисеплĕ ята илме районти социаллă хÿтлĕх пайĕнче заявленисем, документсем йышăнма пуçланă.
– Çакă районта пурăнакансемшĕн тахçанах кĕтнĕ самант. Çынсем «,ç ветеранĕ» ята илес ыйтупа пирĕн пата чылаййăн килчĕç. Халĕ ĕç пырать ĕнтĕ, заявленисене йышăнатпăр. Ку саккун аслă ÿсĕмри çынсене самаях хавхалантарать, – терĕ социаллă хÿтлĕх пайĕн пуçлăхĕ Ирина Смолина.
2012 çултанпа, «Чăваш Республикин ĕç ветеранĕ» ята парас Указа йышăннăранпа, 40 çултан сахал мар ĕçленĕ хĕрарăмсем, 45 çул стажлă арçынсем 603-ĕн çак хисеплĕ ята илнĕ.
С.ЧИКМЯКОВА.