20 мая 2015 г.
_Preview.jpg "Аçăмçырмисем – каллех пĕрремĕш")
Çамрăк çул-йĕр инспекторĕсен «Хăрушсăр урапа» республика конкурсне Аçăмçырминчи шкул команди каллех çĕнтерÿпе вĕçленĕ.
Пилĕк тупăшуран виççĕшĕнче – çул-йĕр правилисене пĕлессипе, пирвайхи медицина пулăшăвĕ парассипе, велосипедпа фигурăсем туса ярăнассипе – вĕсене çитекен пулман. Уйрăм зачетра Ваня Кумруковпа Таня Пигасева велосипедпа чи чаплă результатсем кăтартнă. Çул-йĕр правилисемшĕн Ваня Кумруков каллех палăрнă. Катя Николаевапа иккĕшĕ пĕрремĕш вырăншăн грамотăсене тивĕçнĕ.
Ачасене темиçе çул ĕнтĕ ăмăртăва Владимир Петров хатĕрлет. Республика чысне вĕсем Раççейре те пĕрре мар хÿтĕленĕ.