20 мая 2015 г.
Рункăра алăстисем чылай. Вĕсен ĕçĕсене ял çыннисем уявсенче час-часах пăхса савăнаççĕ.
Александра Андриановна Юдина 85 çула çитнĕ пулин те алăран ĕç ямасть. Вăл илемлетсе-эрешлесе çыхнă тапăчки-нускисем, вырăн çивиттийĕсем, салфеткăсем тата ытти те куçа илĕртеççĕ. Ал ĕçĕ тума шкула пухăнакан çамрăксенчен юлмасть вăл. Ыттисене те вĕрентет, хăй те вĕренет.
Александра Андриановнан тĕслĕхĕпе акă Валентина Феофанова çипрен мĕнешкел чечексем ăсталать! Икĕ Ольга Александрова ял çыннисене ача тумтирĕ çыхса тĕлĕнтереççĕ.
Александра Юдина çичĕ ача пăхса çитĕнтернĕ. Хĕрĕсем те хăй пекех маттур, çыхаççĕ, вĕт шăрçапа тĕрлеççĕ.
С.СВЕТЛОВА.