06 мая 2015 г.
Калининăри шкул-интернатра вĕренекенсем республикăра кăçал та ку тытăмри спартакиада Кубокне çĕнсе илнĕ!
Спартакиада тăватă тапхăрпа иртнĕ. Юлашкине, çăмăл атлетика тупăшăвне, Калинино сали йышăннă. Унта республикăри шкул-интернатсемпе ача çурчĕсен 9 команди вăй виçнĕ. Ăмăрту хуçисем чи хăвăрттисем пулнă.
Уйрăм зачетра Настя Спиридоновапа Андрей Григорьев иккĕмĕш вырăнсене йышăннă. Олеся Федорова виççĕмĕш пулнă. Ытти ачасен пьедестал çине хăпарма кăшт кăна вăхăчĕ çитмен.
Спартакиадăн малтанхи тапхăрĕсене илес пулсан, вырăс шашкипе тата мини-футбол енĕпе калининăсем пĕрремĕш пулнă, сĕтелçи теннисра виççĕмĕш вырăн йышăннă.
Шкул-интернатра вĕренекенсем халĕ те кулленхи тренировкăра. Лев Николаевич Ефимов преподаватель ертсе пынипе вĕсем çуллахи Пĕтĕм Раççейри спартакиадăна хутшăнма хатĕрленеççĕ.