29 апреля 2015 г.
Карл Маркс ячĕллĕ ял хуçалăх предприятийĕ тырпул туса илессипе районта çуллен малта пырать. Пĕлтĕр çавалкассем пĕрчĕллĕ тата пăрçа йышши культурăсене 874 гектар çинчен пысăк пахалăхпа пухса кĕртнĕ. Гектар тухăçĕ 44,9 центнерпа танлашнă. Районти чи пысăк кăтарту. Кĕрхи тулă гектартан 48,8 центнер тухнă, урпа 48 центнер.
Кунта çĕр ĕç культурине лайăхлатсах пыраççĕ. Çĕре минераллă удобренисемпе тулăх апатлантараççĕ. Çĕнĕ сортсем акса тăваççĕ. Уй-хир ĕçне ăста кадрсене явăçтарнă. Вĕсене хавхалантарса тÿлеççĕ.
Ку çуракинче акма 1860 центнер вăрлăх кирлĕ. Ăна 2486 центнер таранах хатĕрленĕ. Вăрлăх 100 проценчĕпех кондициллĕ.
Ака-суха ĕçĕсене кÿлĕнме техника çителĕклĕ, юсавлă, тĕрĕслев витĕр тухнă.
Çунтармалли-сĕрмелли материалсене çителĕклĕ кÿрсе килнĕ, минераллă удобренисене кирлĕ чухлех туяннă.
– Умра – пысăк уявсем. Çĕнтерÿ кунне çуракинче пысăк пахалăхпа ĕçлесе паллă тăвасчĕ, – теççĕ механизаторсем.
В.МОСКВИН.