25 апреля 2015 г.
Çу уйăхĕн 1-мĕшĕнче «Август» фирмăн «Вăрнарти хутăш препаратсен завочĕ» филиалĕнче ĕçлекенсенчен ытларахăшĕ Вăрнар поселокне субботника тухĕç. Пĕлтĕртен вĕсем А.Иванов урамĕнче тирпейлĕхпе тасалăх тытса тăрас тивĕçе хăйсем çине илчĕç. Поселока чукун çулпа килекенсем чи малтан çак урама кураççĕ. Ун тăрăх вĕсем вăрнарсен культурине хаклаççĕ. Таврари тирпей-илем, паллах, кунта пурăнакансен кăмăлне те çĕклĕ.
Пĕлтĕр химиксем ку урамра чылай тăрăшрĕç. Кăçал та нумай ĕç тума палăртнă. Предприяти директорĕпе Владимир Свешниковпа район администрацийĕн пуçлăхĕ Леонид Николаев ку урама йĕркене кĕртес ыйтăва вырăна çитсе сутсе яврĕç. Владимир Васильевич çак урамра вырнаçнă предприятисен, уйрăм предпринимательсен автомашинисемпе тракторĕсен ураписене тасатмасăрах асфальт çул çине тухса кайма чарма ыйтрĕ, унсăрăн урама темĕн чухлĕ тасатсан та йĕрке тума май çуккине палăртрĕ.
Л.ИВАНОВА.