25 апреля 2015 г.
Шупашкарта Пĕтĕм Раççейри «Çамрăк талантсем – хăрушсăрлăхшăн» фестивалĕн регионсем хушшинчи тапхăрĕн финалĕ иртнĕ. Унта Мари Эл, Тутарстан, Мордови республикисенчи коллективсем те хутшăннă.
Номинацийĕсем тĕрлĕрен. Вăрнарти ял хуçалăх техникумĕн студенчĕсенчен фестивале Михаил Мнейкин «Раççей пушарнăйĕсене» юрăпа, Настя Денисовапа Ольга Павлова «Çулăм тата шыв» ташăпа, Татьяна Кузьмина, Эвелла Орлянкова, Ольга Павлова, Анастасия Денисова, Михаил Мнейкин «Все хорошо, прекрасная Маркиза» литературăпа музыка композицийĕпе хутшăннă. Хăйсен номерĕсем урлă çамрăксем çăлавçăсен профессийĕн сумне çĕкленĕ, тимсĕрлĕх инкексем патне илсе çитерме пултарнине палăртнă.
Техникумăн литературăпа музыка композицийĕ виççĕмĕш вырăна тивĕçнĕ.
С.ЧИКМЯКОВА.
Фестивале Вăрнарти ача-пăча пултарулăх çурчĕн вĕренекенĕсем Виктория Иванова, Арсений Пипуныров, Карина Федорова, Аделина Якупова тата поселокри 1-мĕш шкулта вĕренекен Екатерина Семенова та хутшăннă.
Пушар хăрушсăрлăхĕ енĕпе ирттернĕ тепĕр конкурсра та вăрнарсен çитĕнÿсем пур. Раççей пушар хуралĕн кунне уявлассине халалланă «Неопалимая Купина» пĕтĕм Раççейри конкурсăн республика тапхăрĕнче Çĕньял Хапăсри «Ивушка» ача садне çÿрекен Арсений Ивановăн ĕçне те «Декоративлă прикладной пултарулăх» номинацире палăртнă. Альбина Максимова ертÿçĕ пулăшнипе вăл «Пушар машини тата пушар сÿнтерекен, пушар щичĕ» ятлă çыхса хатĕрленĕ ĕç виççĕмĕш вырăншăн диплома тивĕçнĕ.
Конкурс комиссине республикăри мĕнпур вĕренÿ учрежденийĕнчен, шкул-интернатсенчен, пултарулăх студийĕсенчен 300 ытла ĕç тăратнине шута илсен, Арсенийĕн çитĕнĕвĕ чăн-чăн çĕнтерÿ вырăннех.
И.ЯКОВЛЕВА.