25 апреля 2015 г.
Аслă Çĕнтерĕвĕн 70 çулне халалланă мероприятисен шучĕпе тата çамрăк ăрăва гражданла-патриотла воспитани парас тĕллевпе майăн 4–8-мĕшĕсенче районта Авточупу ирттерме йышăннă. Пуçаруçи тата йĕркелÿçи – Раççей ШĔМ-ĕн муниципалитетсем хушшинчи «Вурнарский» пайĕн обществăлла канашĕ (председателĕ Ю.А.Никифоров). Авточупăва хутшăнакансем районти палăксемпе монументсем умне чечек кăшăлĕсем хураççĕ, Аслă Çĕнтерÿ ячĕпе ытти тĕрлĕ мероприятисене хутшăнаççĕ, фронтпа тыл ветеранĕсемпе курнăçса вĕсене май пур таран пулăшма пулаççĕ. Илемлĕ пултарулăх коллективĕсем халăх умне хăйсен çак праçнике кура çĕнетнĕ концерчĕсемпе тухасшăн тата ытти те.
Авточупăва хутшăнакан экипажсен заявкăсене майăн 2-мĕшчен çак адреспа тăратмалла: Вăрнар, Ленин урамĕ, 43 çурт «А». Телефон: 8-917-664-02-27.
Авточупу графикĕ
Экипажсен ял тăрăхĕн центрĕнче кăнтăрлахи 14 сехет тĕлне пухăнмалла.
Аçăмçырминче, Малти Ишекре, Ярмушкара, Калининăра – майăн 4-мĕшĕнче,
Мăн Турханта, Мăн Явăшра, Кĕçĕн Кипекре, Уйкас Кипекре, Çавалкасра – майăн 5-мĕшĕнче,
Пăртасра, Вăрманкасра, Шĕнер Ишекре – майăн 6-мĕшĕнче,
Отиккăвăра, Кульцавра, Санарпуçĕнче – майăн 7-мĕшĕнче,
Упнерте , Хирпуçĕнче, Çĕрпелте – майăн 8-мĕшĕнче.