25 апреля 2015 г.
Пĕтĕм Раççейри куç курманнисен обществине туса хунăранпа 90 çул çитрĕ. Республикăри пĕрлешÿ 85 çул, районти 80 çул тултарчĕç.
Çак ятпа районти культура çуртне куç курманнисен республикăри обществи концертпа килчĕ. Вĕсемпе пĕрле сцена çине вырăнти халăх хорĕ çумĕнчи «Зорюшка» ушкăн та тухрĕ. Уйрăмах Тамара Курсова, Зоя Белякова тата Галина Петрова юрланă «Самана» юрра пурте кăмăлларĕç.
Халăх мĕнпур артиста тăвăллăн алă çупса йышăнчĕ, пĕрле юрларĕ.