22 апреля 2015 г.
Район администрацийĕн пуçлăхĕ Леонид Николаев ирттернĕ черетлĕ планеркăра Мăн Явăш ял поселенийĕн пуçлăхне Андрей Васильева итлерĕç.
Андрей Анатольевич Аслă Çĕнтерĕвĕн 70 çулхи юбилейне хатĕрленсе пысăк ĕç пурнăçланине палăртрĕ. Палăксемпе обелисксене юсанă, территорисене хăтлăх кĕртнĕ. Ветерансене юбилей медалĕсем панă, ку мероприятие шкул ачисене хутшăнтарнă. Администраци Георгий лентисене туяннă, вĕсене поселенири çынсене валеçсе парĕç.
Темăна тăсса район администрацийĕн социаллă аталану пайĕн пуçлăхĕ Сергей Гордеев ытти çĕрте те палăксене йĕркене кĕртессипе ĕçсем пынине палăртрĕ. Ку эрнере Пĕтĕм Раççейри «Георгий ленти» акци пуçланать.
Хальхи вăхăтра вăрçă участникĕсене, ве-теранĕсене, тыл ĕçченĕсене, тăлăх салтак арă-мĕсене диспансеризацилес ĕç анлă пырать.
Ларура çавăн пекех «Ачалăхшăн, ачалăх ячĕпе» ыркăмăллăх акцине хутшăнмалли, деклараци кампанийĕ вĕçленсе пыни çинчен калаçрĕç.